जलवायु परिवर्तन विश्वव्यापी चुनौती हो तर यसको प्रभाव स्थानीय स्तरमा असमान छ । कम विकसित मुलुकहरू (Least Developed Countries – LDCs), विशेषगरी नेपाल यसबाट अझ धेरै प्रभावित छन् । नेपाल कृषिप्रधान देश हो र मनसुनमा निर्भर कृषि, भौगोलिक जटिलता, गरिबी र जलवायु–संवेदनशील क्षेत्रहरू (जस्तै कृषि र जलस्रोत) मा ठूलो निर्भरताले यसलाई जोखिमपूर्ण बनाएको छ । यसको प्रत्यक्ष असर दिगो विकासमा देखापरिरहेको छ । जसले नेपालको सामाजिक, आर्थिक र पर्यावरणीय क्षेत्रहरूमा दीर्घकालीन चुनौती सिर्जना गरिरहेको छ।

नेपाल सरकार, वन तथा वातावरण मन्त्रालयद्वारा सन् २०२१ मा तयार पारिएको संकटासन्नता तथा जोखिम नक्सांकन र अनुकूलनका विकल्पहरू पहिचान प्रतिवेदन अनुसार, सिन्धुली जिल्ला (मध्य पहाड र चुरे क्षेत्रमा अवस्थित) जलवायु परिवर्तनको दृष्टिकोणले अति संवेदनशील जिल्लामा पर्दछ । सो प्रतिवेदनले वन, जैविक विविधता र जलस्रोत व्यवस्थापनका हिसाबले पनि सिन्धुलीलाई अत्यन्त उच्च संवेदनशील क्षेत्रको रूपमा प्रस्तुत गरेको छ । सिन्धुली जिल्लाभित्र पर्ने मरिण जलाधार (जहाँ मरिण र क्यान नदीहरू बग्छन्) पहिरो, बाढी, वनडढेलो र खडेरीजस्ता जलवायुजन्य जोखिमहरूबाट विशेष रूपमा प्रभावित हुँदै आएको छ ।

स्थानीय र आदिवासी समुदायहरू मुख्यतः निर्वाहमुखी (Subsistence) कृषि प्रणाली, न्यून जलवायु अनुकूलन क्षमता र हालका दिनहरूमा जलवायु परिवर्तनका कारण जलवायुजन्य जोखिमहरूमा आवृत्ति र तीव्रतामा वृद्धिले समुदायहरूको कार्यबोझ बढाउनुका साथै जीविकोपार्जनमा चुनौती थपेको छ । यस्ता चुनौतीहरू समाधान गर्नका लागि जलवायु परिवर्तन अनुकूलनलाई एकीकृत जलाधार व्यवस्थापन अवधारणामार्फ्त अघि बढाउनु आवश्यक देखिएको छ । यही सन्दर्भमा, “नेपालमा जलवायु परिवर्तनसँग समुदायको उत्थानशीलता वृद्धिका लागि जलाधार व्यवस्थापन Managing Watersheds for Enhanced Resilience of Communities to Climate Change in Nepal – MaWRiN Project)” परियोजना सञ्चालनमा ल्याइएको हो । यस परियोजनाको मुख्य उद्देश्य स्थानीय तथा आदिवासी समुदायहरूको जलवायु उत्थानशीलता वृद्धि गर्नु हो ।

परियोजनामा डब्लू. डब्लू. एफ. नेपाल ९ध्ध्ँ ल्भउब)ि को प्राविधिक सहयोगमार्फत ग्लोबल ईन्वाइरन्मेन्ट फेसिलिटी ९न्भ्ँ० को आर्थिक सशर्त अनुदानमार्फत नेपाल सरकार,वन तथा वातावरण मन्त्रालय (राष्ट्रिय परियोजना कार्यान्वयन निकाय) र बागमती प्रदेश सरकार, वन तथा वातावरण मन्त्रालय, हेटौडा, नेपाल (कार्यान्वयन साझेदार) को रूपमा ञ्चालित परियोजना हो ।