जलवायु परिवर्तन जाम्बुलिङलान गोरगी चुनौती हिन्ना । तासाअी चुला प्रभाव बेनान ग्लारी गोरगीन आरे । च्याङना विकास ताबा नेपालह्राङबा ह्युलकादे, चुराङबा समस्याग्याम ल्हाना प्रभावित मुला । नेपाल कृषिप्रधान ह्युल हिन्ना । मनसुनरी निर्भर कृषि, भौगोलिक जटिलता, गरिबी थेन जलवायु संवेदनशील थुमकादे (कृषि थेन जलस्रोत) री ल्हाना निर्भरतासे चुदा जोखिमपूर्ण स्होबा मुला । चुला ल्हाना असर दिगो विकासरी म्राङजीबा मुला, थेसे नेपालला सामाजिक, आर्थिक थेन पर्यावरणीय थुमकादेरी ह्रेङबा चुनौती थोन्ना लाजिबा मुला । नेपाल सरकार, ह्री थेन वातावरण लोनखाङसे सन् २०२१ री स्होबा सङ्कटला ङामरी मुबा थेन जोखिम नक्सांकन थेन अनुकूलनला विकल्पकादे ङोसेबा प्रतिवेदनअन्सार, सिन्धुली जोङ (गुङ पहाड थेन चुरे थुमरी मुबा) जलवायु परिवर्तनला दृष्टिकोणसे ल्हाना संवेदनशील थुमरी मुला । चु प्रतिवेदनसे ह्री, जैविक विविधता थेन जलस्रोत व्यवस्थापनला मीसे नोन् सिन्धुली जोङदा ल्हानान् तोरला संवेदनशील थुमला रूपरी ओन्बा मुला । सिन्धुली जोङन्हाङरी मुबा मरिण जलाधार (थेरी मरिण थेन क्यान गान्दीकादे ब्योङबा मुला) डुअी, होन, म्हेरो थेन खडेरीह्राङबा जलवायुला जोखिमकादेग्याम ल्हाना ह्राङबा प्रभावित तासी हाजिबा मुला । स्थानीय थेन साम्ही थेमेजुगु ल्हानाह्राङबा निर्वाहमुखी कृषिप्रणाली, जाजागार जलवायु अनुकूलन क्षमता थेन दात्तेला रेकादेरी जलवायु परिवर्तनसे लामा स्ह्यान्दो जोखिमकादेरी आवृत्ति थेन तीव्रता ल्हेबासे स्थानीय थेमेजुगुला गेदोअी ल्हाना ताना लाबाला छ्यामछ्यामरी जीविकोपार्जनरी चुनौती काप्पा मुला । चुराङबा चुनौतीकादे छाङना लाबारी जलवायु परिवर्तन अनुकूलनला एकीकृत जलाधार व्यवस्थापन अवधारणाग्याम ङाच्छा बोर्तोबा म्राङबा मुला । चुनोन सन्दर्भरी नेपालरी जलवायु परिवर्तनथेनछ्याम थेमेला उत्थानशीलता ल्हेना लाबारी जलाधार व्यवस्थापन परियोजना।